သော်ဇင်(လွိုင်ကော်ရဲ့ ခံစားချက် အမေး၊ ကျွန်တော့်အဖြေ) သူငယ်ချင်းတို့လည်း ဖြေကြည့်ပါဗျာ

သင်သည်တစ်သက်လုံးအမြဲပျော်ရွှင်နေရသူဆိုလျှင်အောက်ပါမေးခွန်းများကိုဖြေဆိုပေးပါ။

၁။လူတိုင်းအပျော်ချည်းသက်သက်ခံစားနေရလျှင်ဘေးထွက်ဆိုးကျိုးအနေနှင့်မည်ကဲ့သို့ခံစားလာရသနည်း။

(ဥပမာ- သူငယ်ချင်းတစ်ယောက် သင့်ကိုအမြဲလာလာခေါ်ပါသည်။သို့သော်သင်အမြဲတန်းလိုက်သွားလေ့ရှိပါသလား။ ရံဖန်ရံခါသင်ငြင်းချင်သည့်အခါမည်သည့်အကြောင်းပြချက်ကိုပေးလေ့ရှိသနည်း)

ဖြေ။      ။ ကျွန်တော်သည်အပျင်းထူသော လူတစ်ယောက်ဖြစ်သည်။ သို့ကြောင့် ရံဖန်ရံခါ လိုက်သွားတတ်ပြီးတစ်ရံတစ်ခါ ဗြောင်ပင်ငြင်းလိုက်သည်။ အဘယ်ကြောင့်ဆိုသော် ရိုးအီသော နေ့စဉ်ဘဝကိုဖြတ်သန်းသည်ထက်စာလျှင် လူဆိုသော သတ္တဝါသည် အသစ်သစ်သော အကြောင်းတရားများနှင့်မနက်ဖြန်များစွာကို ကျော်ဖြတ်ဖို့ စိတ်ဝင်စားမှု ရာခိုင်နုန်းအတော်များသောကြောင့်ပင်။

၂။  ပျော်ရွှင်ခြင်း(၀ါ) စိတ်ချမ်းသာခြင်းဆိုသည်မှာလူတစ်ယောက်အဖို့အမြဲတမ်းဖြစ်တည်ခံစားနေရလျှင် ကောင်းသည် ဟုခံစားရပါသလား။ ဆိုးသည်ဟုခံစားရပါသလား။အဘယ့်ကြောင့်နည်း။

ဖြေ။      ။ မိမိကိုယ်ကိုပျော်ရွင်နေသည်ဟု ထင်ရချိန်မှာ ကျွန်တော် အကောင်းဆုံးရူးသွပ်နေပြီ ဖြစ်သည်။ဒါကြောင့် ကောင်းသလား၊ ဆိုးသလား သည် သင့်ထံတွင် မူတည်သဖြင့် ချိန်ထိုးကြည့်ပါ။

၃။ မိမိကိုယ့်ကိုယ် စိတ်ချမ်းသာအောင်ပြုမူနေထိုင်ကြည့်ဖူးပါသလား။ထိုကဲ့သို့နေထိုင်ဖူးလျှင် မည်သည့်ရလဒ်ကိုသင်ရရှိခဲ့သနည်း။

ဖြေ။      ။ အကောင်းဆုံးနည်းလမ်းမှာသစ်ပင်ပေါ်တက်ထိုင်နေလိုက်သည် ဟု ကျွန်တော် ဖြေပါမည်။ စိတ်ညစ်သည့် အခါတိုင်း နီးရာသစ်ပင်ထက်တွင် လျှို့ဝှက်စကားပြောတတ်သဖြင့် စိတ်အတော်အတန် ပြေပျောက်သွားသည်။ကိုယ့်အတွက် ကောင်းသည့် အရာသည် သူများနှင့် အံဝင်ခွင်ကျ မဖြစ်တတ်သော သဘောကိုဆင်ခြင်ကြည့်ပါ။

၎။နှစ်ဆယ့်လေးနာရီအတွင်းသင်အပျော်ရဆုံးသောအချိန်အပိုင်းအခြားကာလတစ်ခုကိုဖြေပေးပါ။

ဖြေ။      ။  ကာလသုံးပါး မေ့သွားချိန် ။

၅။ ပြီးခဲ့သောရက်သတ္တပတ်အတွင်းမည်သည့်အကြောင်းအရင်းသည်သင့်ကိုပျော်ရွှင်စေခဲ့သနည်း။ဥပမာတစ်ခုပေး၍ ဖြေဆိုပေးပါ။

ဖြေ။      ။ သတိမထားမိသော ကြောင့်ဘယ်အကြောင်းကြောင့်မှ မပျော်ရွင်ခဲ့သလို စိတ်လည်း မညစ်ခဲ့ပါဘူး လို့ ထင်မိသည်။

၆။ သင့်အားပျော်ရွှင်စေသူသည် မည်သူနည်း။(ဥပမာ- အဘိုး၊ အဘွား၊အဖေ၊အမေ၊ အစ်ကို၊ အစ်မ၊  ညီ၊ ညီမ၊ တူ၊ တူမ၊ သူငယ်ချင်း၊ချစ်သူ၊)တစ်မျိုးကိုသာဖြေဆိုပါ။

ဖြေ။      ။ ဘာတွေကမှပျော်အောင်ညစ်အောင် မလုပ်နိုင်ပါဘူး။ စိတ်ကသာ တရားခံပါ။ စိတ်နောက်ကိုမလိုက်ခဲ့ဘူးဆိုရင်တော့…..။

၇။ သင့်မိသားစုကြောင့် သင့်ပျော်ရွှင်ခဲ့ဖူးသည်ဆိုလျှင်မည်သို့ခံစားခဲ့ရဖူးသနည်း။

(က) ပျော်တယ်ဆိုရုံလေး

(ခ)  ပျော်ပါတယ်

(ဂ)  တော်တော်လေးပျော်ပါတယ်

 (ဃ) အပျော်ဆုံး

ဖြေ။      ။ (ခ)ပါ ။

၈။သင့်ဘ၀၌ကြီးကြီးမားမားပျော်ရွှင်ခဲ့ဖူးသောအကြောင်းအရာသုံးခုကိုဖြေဆိုပေးပါ။

ဖြေ။      ။ တွေ့ကြုံ ဆုံကွဲ ။

ပတ်ဝန်းကျင်ကြောင့် အသစ်သစ်သော အရာတွေနဲ့ ထိတွေ့ဆက်ဆံရသော အခိုက်။

ကိုယ်ဘာကောင်မှ မဟုတ်ဘူးလို့ သိတဲ့ အချိန်။

သင်သည်အမြဲတမ်းလိုလိုစိတ်ညစ်နေရသည်ဆိုလျှင်အောက်ပါမေးခွန်းများကိုဖြေဆိုပေးပါ။

 ၁။ သင် စိတ်ညစ်နေရသည့်အကြောင်းအရင်းသည် မည်သို့နည်း။

အထက်က မေးခွန်း ၆ ပါ။

၂။ သင် စိတ်ညစ်နေရသည့်အခါ မည်သည်အချိန်အထိခံစားနေရတတ်သနည်း။(ဥပမာ-တစ်ရက်၊ နှစ်ရက်၊ တစ်ပတ်၊ တစ်လ)

စိတ်က အပြောင်းအလဲ မြန်ရင် မြန်သလို ၊ နှေးရင် နှေးသလိုပါ။

၃။နှစ်ဆယ့်လေးနာရီအတွင်းသင့်စိတ်အညစ်ရဆုံးအချိန်ရှိပါသလား။ရှိလျှင်မည်သည့်အကြောင်းအရာဖြစ်သည်ကိုဖြေဆိုပေးပါ။

ဖြေ။      ။ အိပ်ချိန်ပါ။မွေးကတည်းက အိပ်ချိန်ဟု သတ်မှတ်ထားသည့် လူဖွဲ့စည်းပုံကို စိတ်ညစ်ရပါသည်။ပြင်ဆင်သင့်ရင် ပြင်ဆင်ဖို့ ကျွန်တော် ကိုယ်ပိုင်နိုင်ငံတွင် သမ္မတလုပ်ပါမည်။မဲပေးကြပါ။

၎။ သင်စိတ်ညစ်နေရသောအကြောင်းများစွာအနက်မှမည်သည့်အကြောင်းသည့်သင့်ကိုပိုမို၍ စိတ်ညစ်စေသနည်း။

(ဥပမာ- စီးပွားရေး၊ လူမူရေး၊ကိုယ်ရေးကိုယ်တာခံစားချက်၊မိသားစုအတွင်းရေး)

ဖြေ။      ။ ခေါင်းစဉ်တပ်မထားသောအရေးများ။

၅။ ပြီးခဲ့သောရက်သတ္တပတ်အတွင်းမည်သည့်အကြောင်းအရင်းသည်သင့်အားစိတ်ညစ်စေခဲ့သနည်း။ဥပမာတစ်ခုပေး၍ ဖြေဆိုပါ။

ဖြေ။      ။  အထက်က မေးခွန်း နံပါတ် ၅ ကိုပြန်ဖတ်ဖြစ်ပါလိမ့်မည်။

၆။ သင့်အားစိတ်ညစ်စေသူမှာမည်သူနည်း။(ဥပမာ- အဘိုး၊ အဘွား၊ အဖေ၊အမေ၊အစ်ကို၊ အစ်မ၊  ညီ၊ ညီမ၊ တူ၊ တူမ၊ သူငယ်ချင်း၊ချစ်သူ၊)တစ်မျိုးကိုသာဖြေဆိုပါ။

 ဖြေ။      ။ အထက်ကမေးခွန်းနံပါတ် ၆ ။

၇။ သင့်မိသားစုကြောင့် သင့်စိတ်ညစ်ခဲ့ဖူးသည်ဆိုလျှင်မည်သို့ခံစားခဲ့ရဖူးသနည်း။

           (က)စိတ်ညစ်တယ်ဆိုရုံလေး

           (ခ) စိတ်ညစ်တယ်

           (ဂ) တော်တော်လေးစိတ်ညစ်ပါတယ်

           (ဃ)စိတ်အရမ်းညစ်တယ်

ဖြေ။      ။ အခုချိန်မှာပျော်ပါတယ်။ အရင်က စိတ်ညစ်ခဲ့တာ ဘာမှမဟုတ်ဘူး လို့ ထင်လာပါသည်။ အမှတ်တရ အဖြစ် တောင်မရှိသင့်လို့ မေ့ပစ်လိုက်ပါပြီ။ လက်ရှိမှာ မိသားစုဟာ ကျွန်တော့်အတွက်နွေးထွေးပါသည်။ 

၈။သင့်ဘ၀၌ကြီးကြီးမားမားစိတ်ညစ်ခဲ့ဖူးသောအကြောင်းအရာသုံးခုကိုဖြေဆိုပေးပါ။

ဖြေ။      ။  မေ့ပစ်သင့်လို့ မေ့ပစ်ထားလိုက်ပါပြီ။အကြောင်းအရာ တိုက်ဆိုင်သည့်အခါ မှတ်မိလာရင်တော့ ပြောပြပါမည်။

စာကြွင်း ။ ။မိမိဖြေဆိုလိုသည့်မေးခွန်းကိုရွေးချယ်၍လည်းဖြေဆိုနိုင်ပါသည်။

အပိုင်း(၂)

၁။ သံယောဇဉ်ကိုအဓိပ္ပါယ်ဖွင့်ဆိုရန်အတွက်မိမိထင်မြင်သည့်အဖြေတစ်ခုအားအောက်တွင် မိမိယုံကြည်သလိုဖြေဆိုနိုင်ပါသည်။

သံယောဇဉ်ဆိုတာ လက်ဖက်ရည် တစ်ခွက်နဲ့တူပါတယ်။ ပြီးပြည့်စုံတဲ့လက်ဖက်ရည် တစ်ခွက်က အရသာ မှန်နေပမယ့် အမြဲတိုင်း မမှန်နိင်ပါဘူး။ ဘာကြောင့်ဆိုတော့ကုန်ကြမ်း ပြောင်းတတ်သလို အဖျော်ဆရာပိုင်း ၊ တန်ဆာပလာ အချိန်အဆ တွေကြောင့်လက်ဖက်ရည်တစ်ခွက်က ပုံမှန် မကောင်းနိုင်ပါဘူး။ ကောင်းတော့ ကောင်းတယ် ။ ဒါပေမယ့်မကောင်းဘူးလို့ ထင်မိတဲ့ အချိန်ကလည်း အောင့်ကာနမ်းနေရတဲ့ အဖြစ်။ ဘာဖြစ်ဖြစ်သံယောဇဉ် လက်ဖက်ရည်ကို မစွန့်ပစ်နိုင်ပါဘူး။ ကိုယ်က ကြိုက်တာကိုး။

၂။ သံယောဇဉ်ကြောင့်မိမိထိခိုက်နှစ်နာခဲ့ဖူးသည်ဆိုလျှင်တစ်မျက်နှာခန့်ရေးသားပြောပြပေးပါ။

 အယုံလွန်တတ်သော ကျွန်တော်။ ဘာတစ်ခုကိုမဆို ပစ်ကာယုံကြည်တတ်သော ကျွန်တော်။ ထိခိုက်နစ်နာ ခဲ့ဖူးတာလည်း အကြိမ်ကြိမ်ပင်။ ဘာနဲ့ပဲဖြစ်ဖြစ် မတည်မြဲတတ်သော အကြောင်းသုံးပါးကြောင့် ခင်ဗျားတို့ ကျွန်တော်တို့နေ့တိုင်း၊ လတိုင်း ၊ နှစ်တိုင်း မှာ ကြုံတွေ့နေရဦးမည်။ အဖြစ်အပျက် သာဓကတွေကအများကြီးဆိုပေမယ့် မေ့ပျောက်ထားတာကြောင့် ပြောဖို့ ထောက်ပြဖို့ရာ ကကြီးကနေ စဖို့ဝလုံးတောင် မဝိုင်းပါ။ ဒါကြောင့် ။ 

၃။ သံယောဇဉ်ကြောင့် မိမိပျော်ရွှင်ခဲ့ရဖူးသည်ဆိုလျှင်တစ်မျက်နှာခန့်ရေးသားပြောပြပေးပါ။

၂ က သဘောထား အတိုင်းပဲမို့ ဒီအဖြေတွေကို ဖတ်ပြီး အရူးလို့ထင်သွားတယ်ဆိုရင် ကျွန်တော်အပျော်ဆုံးတစ်နေ့ ဖြစ်သွားမှာပါ။ သတ်မှတ်ဖို့၊မျဉ်းသားဖို့ ၊ စည်းတွေ ဘောင်တွေ အကြောင်း ပြောဖို့ဆိုရင် ကျွန်တော်ဟာတက်ကြွလန်းဆန်းနေသူ။

 လေးစားလျှက်

 အမေး >>>> သော်ဇင်(လွိုင်ကော်)

အဖြေ >>>> ပျူမခ (ကော့သောင်း)